Benvignûts ae mostre, un percors che al invide a scuvierzi il profont leam tra l’om, la nature e i savês tramandâts tal cors dai secui. Midiant ogjets, plantis oficinâls, tradizions popolârs e storiis di vite cuotidiane, il visitadôr al podarà jentrâ intun patrimoni culturâl siôr di cognossincis, crodincis e pratichis che a àn compagnât gjenerazions di comunitâts locâls.Lis audioguidis che a compagnin chest percors a son stadis realizadis par aprofondî la storie, lis curiositâts, i ûs tradizionâi e lis proprietâts des principâls plantis medicinâls.
Un viaç tra nature, culture e benstâ che al permet di tornâ a scuvierzi l’antic rapuart tra lis personis e il mont vegetâl, cjapant cussience dal rûl fondamentâl che lis plantis a àn vût te vite di ogni dì, te cure de salût e tes tradizions dal teritori.Chest percors al ufrìs la pussibilitât di riscuvierzi il valôr des cognossincis popolârs e dal rapuart armonic cu la nature, testemoneât par secui tes usancis e tes tradizions de nestre int.